Ang pangngalan ay salita o bahagi ng pangungusap na tumutukoy sa ngalan ng tao, bagay, pook, hayop, at pangyayari. Maaari din na ipakilala ng pangngalan ang isang kaisipan o konsepto.
- pangngalang pantangi (proper noun)
- Tumutukoy sa tiyak na ngalan ng tao, bagay, hayop, pook, pangyayari, at iba pa. Karaniwang nagsisimula sa malaking titik. (hal. Pilipinas, Panagbenga, Jose Rizal, Laguna, Flores de Mayo)
- pangngalang pambalana (common noun)
- tumutukoy sa pangkalahatang ngalan ng tao, pook, hayop, bagay, pangyayari, at iba pa. Karaniwang nagsisimula sa maliit na titik. (hal. bansa, korporasyon, pista. bayani, lalawigan, pista)
- pangngalang kongkreto/tahas (concrete noun)
- pangngalang nahahawakan, nakikita, naamoy, nalalasahan at iba pang nagagamitan ng pandama. (hal., mesa, bahay, papel, bato)
- pangngalang halaw/pangngalang di-kongkreto/basal (abstract noun)
- pangngalang tumutukoy sa kalagayan o kundisyon na nadarama, naiisip, nagugunita o napapangarap. (hal., pag-ibig, kalayaan, kasiyahan, pagmamahal, gutom, kapayapaan)
- pangngalang palansak/lansakan (collective noun)
- pangngalang tumutukoy sa isang kalipunan o karamihan. Maaaring maylapi ito o wala. (hal., kumpol, hukbo)
- pangngalang maylapi (affixed noun)
- pangngalang binubuo ng salitang-ugat na may panlapi sa unahan, gitna, hulihan o magkabila. (e.g., tindahan, inihaw)
- pangngalang inuulit (reduplicated noun)
- pangngalang inuulit na maaaring may panlapi o salitang-ugat lamang. (hal., bagay-bagay, sabi-sabi, bali-balita)
- pangngalang tambalan (compound noun)
- pangngalang binubuo ng dalawang salitang magkaiba na pinagsasama upang maging isa at may gitling sa pagitan nito. (hal., kapitbahay, bukas-palad)