Gamit ng Pangngalan (Uses of Noun)
- simuno o paksa ng pangungusap (subject of a sentence)
- Ito ang pangngalang pinag-uusapan sa pangungusap. (hal. Ang lugaw ay masarap.)
- panaguri ng pangungusap (predicate noun)
- Ang mga panaguring pangngalan ay nagpapakilala kung ano o sino ang simuno. (hal. Si Miguel ay anak ng mahusay na doktor.)
- kaganapang pansimuno (subject complement)
- Ang simuno at isa pang pangngalan sa panaguri ay iisa. (hal. Si Hesus ay kinikilalang Diyos ng mga Hudyo.)
- layon ng pandiwa (object of a verb)
- Ang pangngalan ang tumatanggap ng kilos sa pangungusap. Sumasagot ito sa tanong na ano. (hal. Kumain ng biscuit ang mga bata.)
- layon ng pang-ukol (object of a preposition)
- Ito ang pangngalang pinaglalaanan ng kilos o bagay. Maaaring gamitin ang mga pang-ukol na sa, ng, para sa, para kay, tungkol sa at marami pang iba. (hal. Ang mga alahas ay para kay Inay.)
Kasarian ng pangngalan (gender of a noun)
Masasabing walang partikular na babae o lalaki sa mga pangngalan. Ngunit matutukoy ang kasarian ng pangngalan kapag nilalagyan ng salitang “lalaki” o “babae” bago o pagkatapos ng salitang kinauukulan. Halimbawa: batang babae, batang lalaki, lalaking aso, babaing pusa.
Mayroon din namang mga salitang hindi na kailangang lagyan ng mga salitang “lalaki” o “babae” kung likas na matutukoy ang kasarian ng isang pangngalan. Kadalasang matutukoy din ang kasarian sa pangngalan o palayaw. Halimbawa, kadalasang lalaki ang mga pangngalang tunog “o” at babae naman kapag tunog “a”.
- Pangngalang Panlalaki (Masculine Noun) (hal., tatay, tito, lolo)
- Pangngalang Pambabae (Feminine Noun) (hal., nanay, tita, lola)
- Pangngalang Di-tiyak ang Kasarian (Common Noun) (hal., kaibigan, pinsan, anak)
- Pangngalang Walang Kasarian (Neuter Noun) (hal., bola, puno, sahig)
kaukulan ng pangngalan (noun case)
Palagyo (Nominative case)- kung ang pangngalan ay ginagamit bilang:
- Simuno-ang pinag-uusapan sa pangungusap
- Hal. Si Indarapatra ay mabuti sa mga tao. (pinag-uusapan)
- Pantawag-pangalang sinasambit o tinatawag sa pangungusap
- Hal. Indarapatra, ang buti mo sa amin! (tinatawag, sinasabing pangalan sa pangungusap)
- Kaganapang Pansimuno-ang simuno at ang isa pang pangngalan sa panaguri ay iisa.
- Hal. Si Indarapatra ay mabuting pinuno. (Isa pang pangngalang nagsasabi tungkol sa simuno na nasa bahaging panaguri.)
- Pamuno-ang pangngalang tumutukoy sa simuno at nasa bahagi rin ng simuno
- Hal. Si Indarapatra, ang pinuno, ay mabuti sa mga tao. (parehong nasa bahagi ng simuno ang dalawang pangngalan)
Palayon (Objective Case)-kung ang pangngalan ay ginagamit bilang:
- Layon ng Pandiwa-kung ang pangngalan ay tagatanggap ng kilos at sumasagot sa tanong na ano o sino.
- Hal. Binigyan ng sandata ni Indarapatra ang kapatid. (Ano ang ibinigay?) Tinulungan ni Indarapata ang mga tao. (Sino ang tumulong?)
- Layon ng Pang-ukol-kung ang pangngalan ay pinaglalaanan n kilos at kasunod ng pang-ukol.
- Hal. Ang sandata ay ginamit niya sa kaaway. (ano ang pinaglaanan?)
Possesive Case/ Paari-kung may dalawang pangngalang magkasunod, ang ikalawa pangngalan ay nagpapakita ng pagmamay-ari.
- Hal. Ang singsing ni Indarapatra ay makapangyarihan. (singsing nino?)